fisioterapia
Procura do movemento normal
Desde - Hasta: - Actualmente
“As secuelas tras un ictus ou un traumatismo craneoencefálico son moi variables nas persoas coas que traballamos. Estas secuelas poden manifestarse a nivel físico, pero tamén a nivel conductual, cognitivo, emocional e incluso perceptivo. O obxectivo do servizo de fisioterapia de ALENTO é facilitar a movilidade e recuperación funcional dos usuarios e usuarias aumentando deste xeito a súa autonomía na vida diaria”
Miriam, Marta e Diana, Fisioterapeutas de ALENTO
¿Qué facemos no servizo de fisioterapia de ALENTO?
Para lograr a maior autonomía posible das persoas con Dano Cerebral Adquirido, no servizo de fisioterapia de ALENTO, traballamos aspectos como o tono postural, a sensibilidade, a movilidade articular, o equilibrio, o control postural e a reeducación da marcha.
Realizamos o traballo en función dos seguintes criterios:
- Consecución da capacidade de desprazarse do xeito máis autónomo posible.
- A ausencia de dor.
- Traballo interdisciplinar para alcanzar o maior grao posible de funcionalidade nas actividades da vida diaria.
- Usuarios que teñan un grande potencial de recuperación.
¿Cómo traballamos no servizo de fisioterapia de ALENTO?
Realizamos unha valoración inicial, seguindo o protocolo de avaliación de fisioterapia establecido. Este permitiranos determinar os obxectivos a traballar con cada persoa con Dano Cerebral e as actividades que se levarán a cabo para alcanzalos.
Baseamos o noso tratamento no Concepto BOBATH (Procura do movemento normal dos usuarios e usuarias) e en outras técnicas de fisioterapia neurolóxicas.
Traballamos con sesións individuais e grupais:
- As sesións individuais: Teñen unha duración aproximada de 45 minutos. O tratamento está orientado para alcanzar os obxectivos de cada usuario ou usuaria a través de tarefas funcionais e motivantes nun entorno axeitado.
-
As sesiónes grupais: Teñen unha duración de 45 minutos. Estas actividades son un complemento moi importante para alcanzar obxectivos terapéuticos e a moitos usuarios e usuario sírvenlles para manter as boas condicións físicas que presentan na actualidade.
- Obradoiros de Psicomotricidade: Realízanse tanto dentro coma fora das instalacións de ALENTO, e neles traballamos aspectos como a movilidade, coordinación, equilibrio, forza e incluso aspectos cognitivos.
- Piscina: Acudimos á piscina de Teis, ónde en función das necesidades de cada persoa con Dano Cerebral realízase natación adaptada ou sesións terapéuticas.
- Pilates adaptado: Traballamos de xeito máis específico a faixa abdominal, a musculatura das costas e o solo pélvico.