O fondo social europeo e a Consellería de Política Social da Xunta de Galicia colaboran con ALENTO 2019
A Xunta de Galicia, o Fondo Social Europeo e a iniciativa de Emprego Xuvenil, a través do Programa Operativo de Emprego Xuvenil, colaboran con ALENTO, Asociación de Dano Cerebral no desenvolvemento do proxecto de “PROGRAMA DE COIDADOS ESPECIFICOS NA RESIDENCIA DE DANO CEREBRAL ADQUIRIDO". Esta colaboración está enmarcada dentro da Convocatoria de subvencións para entidades sen ánimo de lucro que contraten persoas mozas para a realización de servizos de interese xeral e social.
A través desta colaboración a Asociación ALENTO contratou a 2 profesionais, que complementan ao equipo de profesionais da entidade na atención a persoas con Dano Cerebral. Estes profesionais van realizar servizos de coidados básicos como a hixiene persoal e alimentación segura.
En concreto, procedeuse a contratar aos seguintes profesionais:
2 profesionais Auxiliares de Enfermería
O centro residencial de ALENTO ten capacidade para atender a 15 persoas con Dano Cerebral, sendo a única destas características que existe na Comunidade Autónoma de Galicia.
Esta axuda está cofinanciada nun 91,89% polo Fondo Social Europeo e a Iniciativa de Emprego Xuvenil, a través do Programa Operativo de Emprego Xuvenil, Eixo prioritario 5, Prioridade de investimento 8.2, Obxectivo específico 8.2.4, Medida 8.2.4.2.
